Xipiroi. Nor gara? ¿Quienes somos?

«Xipiroi» Oiartzun eta Orereta arteko serigrafia artisau bat gara.

EUS: Arropa eta tinta ekologikoak erabiliz, diseinu propio eta kanpoko eskariekin serigrafia egiten dugu. Buruan daukazun ideiren bat gurekin egin nahi baduzu, idatziguzu hurrengo emailera eta elkarlanean ikusiko dugu zer den hobeto moldatzen dena zure proiekturako: serigrafia.xipiroi@gmail.com. Eskerrik asko gu bisitatzeagatik!

CAS: Usando ropa y tintas ecológicas, hacemos serigrafía con diseños propios y encargos externos. Si quieres hacer realidad alguna idea que te ronda por la cabeza, no dudes en comentarnoslas y ver en colaboración que es lo que mejor se amolda para tu proyecto. Para cualquier propuesta: serigrafia.xipiroi@gmail.com. ¡¡Muchas gracias por visitarnos!!

Gure bildumak

XIP/006 Gora kolore beltza!

Bi urte igaro dira lehen “Xipiroi” bildumatik, eta bertan gorriaren eta urdinaren artean aukeratzea eskatu genizuen… Harez geroztik, bi urte daramatzagu galdera hau entzuten: – “Ez al daukazue beltzean?” – Ba hemen dituzue; kamiseta eta sudaderen tirada txiki bat, beltza maite duen jendearentzat, gure Xipiroi maitearen birdiseinu txiki batekin.

XIP/005 Beti Bor-Bor!

Xipiroitarrok DIY-ean (”zuk zeuk egin”) sinisten dugu eta nola ez, sukalde lanetarako ez ginateke gutxiago izango. Horregatik amantal hau aurkezten dizuegu, %100-ean bidezko merkataritzako kotoiarekin eginda dagoena eta altuera erregulatzeko belarria duena erosoagoa izan dadin. Amantal hau presarik gabe sukaldatu dezakezun egunetarako da, lapikoak bor-bor egin eta sukaldea usain gozoez betetzen den bitartean… On egin!

XIP/004 Aupa Maurizia!

Bere ahots bereziarekin Euskal Herrian plazaz plaza ibili zen Maurizia Aldeiturriaga pandero-jotzaile Zeberiotarra (Bizkaia) gogoan (1904-1988). Marrazki hau Mauriziak berak bere panderoetako batean zuen bere buruaren erreprodukzio bat da, zeinean “A Maurizia Aldeiturriaga con amor” (”M. Aldeiturriagari maitasunez” irakur zitekeen. Jatorrizko karikaturaren egilearen izena ezin izan dugu aurkitu, baina hemendik biei gure omenaldia… Aupa Maurizia!!

XIP/003 Nazka!

Su Ta Gar taldearen kantu zahar bat gogoratzeko asmoarekin gatoz gaur, «Hortzak estuturik» diskoan agertzen zen «Nazka!! ematen duuuute!!» abestia… Bizitza beti ez delako horren polita eta beti dagoelako norbait eguna aldrebesten dizuna… Bai, gu ere egun txarrak ditugu, egun aproposak bolumena igotzeko eta «Nazka!! ematen duuuute!!» ozen abesteko.

XIP/002 Andra!

Iraultza eta greba aireak arnasten ziren 30. hamarkadako Donostian, Kasilda, «saskiko neska» gisa ezaguna zena, zenbait «sorpresa» ezkutatzen zituen bere zumezko saskian janari artean. Hau da gure omenaldi txikia, saski horren irudiaren bidez, bizitza faxismoaren aurkako borrokan eman zuen emakume libertario eta iraultzaile horri.

XIP/001 Xipiroi

Xipiseta gorria ala urdina? Helduentzat ala haurrentzat? Mahuka luzekoa, tiraduna, sudadera ala poltsa bat? 2020. urtearen amaieran pertsona bat izatetik, bi izatera pasa ginan eta hemen daukazue elkarlanean prestatu dugun gure lehengo bilduma. 115 aleko edizio mugatua (2021eko apirilean) 165 aleetara zabalduta 2021eko uztailean, gure logoarekin, zuetariko askok eskatu bezala.

Xipiseta bat erosi nahi ezkero, gure denda bisitatu dezakezu. Si quieres comprar una xipiseta, puedes visitar nuestra tienda.

Denda / Tienda